ZIDD.........


Mujhmey Zidd Hi Zidd Thi Zidd Key Siwa Kuchh Bhi Nahin,
Zidd Hi Thi Ki Apnon Ka Sath Chhoda, Ghar Chhoda,
Dost Chhoda, Apna Shehar Chhoda,
Zidd Thi Bada Bananey Ki , Badi Shohrat Ki,
Badey Shehar mein Rahney Ki, Badey Bangley-Badi Car KI,

Zidd Hi Zidd Bas Zidd Zidd,
Apni Sharton Par Jeeney Ki, Apni Soch Sey Jeeney Ki,
Apni Tarah Sey Jeeney Ki, Apni Pasand Sey Jeeney Ki,
Zidd Hi Zidd Mein Jala Dala Mainey Apna Hi Khubsurat Aashiyana,

 Zidd Hi Zidd Bas Zidd Zidd,
Apnon Sey Alag Hua, Apnon Ka Na Hua,
Gairon Mein Khushi Dhundhta, Gairon Sey Ghira Hota,
Apnon Sey Door Tha, Apnon Sey Na Tha Koi Vasta,
Begairat Bana , Koi Bhi Sachcha Dost Na Bana,
Swarth Key Rishtey Baney, Bhautikta Ki Bhukh Badhi,
Sab Kuchh Haasil Kiya To Khud Ko Hi Kahin Gawan Diya,

Zidd Hi Zidd Bas Zidd Zidd,
Na Raah Bachi, Na Chah Bachi,
Na Rishtey Bachey, Na Chahat Bachi,
Kho Gaya Hun main Apney Hi CHuney Raston Mein,
Manzil To Mili Nahin Mili To Bas Apnon Ki Zudai Aur Tanahain,

Zidd Hi Zidd Bas Zidd Zidd,
Kash Jana Hota Apnon Ki Keemat,
Kash Smjha Hota Safalta Ka Sahin Arth,
Kash Mauka Miley To Galtiyan Sudhar Lun,
Apnon Ko Kabhi Na Chhodu, 
Apney Dil Mein Unhein Hamesha Key Liye Chhupa lun,

Aaj Apnon Ki Jab Yaad Aati Hai,
Mere Aansu Behaney Lagtey  Hain,
Main Keh Nahin Sakta Key Aaj Main Kitna Sharminda Hun,

Par Sach Kehta Hun Main Aisa Nahin Tha,
Main Aisa Kabhi Nahin Tha,
Mera Bhi Kabhi Dil Dhadakta Tha,
Main Bhi Kabhi Insaan Tha.