AMMA


Maa tu mujhe bahut yaad aa rahi hai,
Maa ki lori , dudh ki katori,
Sita haran,daani karan,
Ram ki kahani, Maa ki jubani,
Maa ka aanchal, Maa ki godh,
Maa ka pyar, Maa ka dulaar,
Maa ke haath se bane nivale,
ek Ram ke liye, ek Laxman ke liye,
kahke khilana,
Maa tu mujhe bahut yaad aa rahi hai,

Maa se ruthna, Maa se ladna,
Maa ki daant, Maa ka laad,
aaj jo bhi ban paaya hun Maa,
tere hi diye sanskar aur ashirwad se Maa,
main to duniya ki har cheej se anjan tha Maa,
tune hi meri ungli pakad kar har baat sikhayi hai Maa,
tu hi meri guru, tu hi meri dost, tu hi meri awaaj  hai Maa,
aaj bhi taklif mein jab munh se Maa nikalta hai,
Maa tera naam sanjivani sa kaam karta hai,
Maa tu mujhe bahut yaad aa rahi hai,
iss duniya ke har rishte mein jhooth aur fareb ho sakta hai,
ek Maa ka rishta hi bas sachcha aur sirf sachcha hota hai,
khuda se bhi pehle Maa main tera naam leta hun,
Maa tu hi meri ibadat hai, tu hi meri bandagi hai,
tujhse hi yeh jindagi hai, tujhse hi judi har khushi hai,
tujhse hi jeene ka ehsaas hota hai,

Maa tu kahan hai, kya tu mere paas hai?,
Maa main tujhe awaaj de raha hun ,
Maa main pareshan hun, tere god mein sar rakhna chahta hun,
Maa main akela hun, saalon sey soya nahin hun,
Maa main teri kahaniyan sun kar sona chahta hun,
Maa main ab rota nahin hun,
Main tere aanchal sey apne aansu pochhna chahta hun,
Maa tujhe kho kar ab maine jaana hai,
jeevan me ab kya khona , kya pana hai,
Maa kya namumkin hai tujhe vapas pana?,
Maa tu mujhe bahut yaad aa rahi hai."